الى كل مغربية تزوجت زواج مختلط

اختي غادة نصحك لوجه الله بعدي على الزواج المختلط ماتيجي منو غير الهم انا تزوجت من مصري ندمت على اليوم اللي شفتو فيه ما ديري الثقة ف تاحد وماكاين ما احسن من ولد البلاد مهما كان ما غديش يضرك انا دابا باغا غيطلقني قاليا واخا تشوفي حلمة ودنيك وهانا جالسا مغصوبة والله المستعان :UP202: اختي فكري مزيان وماتتسرعيش هدا را مستقبل وحياة ماشي لعبة :21_195: وتقبلي نصيحتي ومعليش اختي را قلبي طايب

السلام عليكم ورحمة الله
و الله ا اختي الى هضرتك صحيحة حتى انا متزوجة مصري و تان ندم على اليوم اللي جيت فيه هنا راه الغربة صعيبة و ما يتحملك غير ولد بلادك و الى طلع ليك الدم تمشي عند الوالدين و تفكي عندهم لكن الى كنت بعيدة ما تهضري غير مع الحيط

حتى انتي بحالي:21_207:الله يفرج الهم ويكون فالعون .ياختي انا اللي درتها ب ايدي دارنا شحال نصحوني وانا كان راسي قاسح ومافهمت كلامهم حتى فات الفوت:sad:
حتى انتي ف الرياض

السلام عليكم ورحمة الله تعالى و بركاته
أنا من المغرب أختي تزوجت في الصيف الماضي من سعودي بالنسبة الأوراق تأخد شهرين و نصف لازم تكون عندو الموافقة من بلاده باش يتزوج أجنبية يكون جايبها معه غادي تكرفصي في الأوراق و لكن صبري
نصيحة نقدمها ليك بحثي عليه مزيان و بحثي على عائلتو و طلبي منو يحضرهم و تصرفي معاهم مزيان باش الى وقعتي فشي مشكل يوقفو معاك
نصيحة الثانية عملي فطوكوبي لأوراقك مع أوراقه لغيجيب معاه لكليزيهم في المقاطعة وعملي 2 من العقد قوليها للعدول غادي يصاوبهم ليك و الى لقيت ليتلع ليك باسبور ثاني ديريه الى كان غير ممكن ديري فطوكوبي و لكليزيه وخلي كلشي لدرتي ليه فوطوكوبي عند والديك هنا بالمغرب الله معاك هدا بريدي الالكتروني الى بغيتي تسولي على شيحاجة رسلي لي رسالة

ممنوع إضافة البريد الإلكتروني على العام

السلام عليكم اخواتي فالله

انا عندي مشكلة

مخطوبة لسعودي بس مشكلتنا التصريح

ياريت لو في وحدة تقدر تساعدني بتجربتها

ولها الاجر والدعااء مني فكل صلاة فهالشهر الكريم

http://www.3roos.com/forums/t283979.html

اختي الغاليه زوري هذا الرابط وضعي استفسارك
بعض المشاركات متزوجات من سعوديه وهم لسنا سعوديات
استفيدي منهم
وزواج قسمه ونصيب
ربي يكتب نصيب لعبده الخير اليه ان شاءالله
ويوجد كثير من الناس تزوج بناتهم من اشخاص مو من نفس بلدهم يقدرون يحافظون عليهم ويحبونهم اكثر من اولاد بلدهم
في النهايه هذه ارزاق مكتوبه على بني ادم
اهم شيء العقل موجود
متمنيه لك التوفيق

بنات لاتحكموا على الانسان من جنسيته كل بلد فيها الصالح و الطالح , كم واحدة اتزوجت من مغربي و طلع مش كويس و عاشت فعذاب و اتطلقت؟؟؟ وكم من واحدة اتزوجت بأجنبي وعايشة كويس فمافي داعي للتعميم و مافي داعي تحبطوا البنت هي كان سؤالها محدد وانتوا كبرتوها وهي صغيرة
الاخت تمر بارك الله فيك كفت ووفت شوفي الرابط ياأختي jamoula وان شاء الله تستفيدي
ربنا يوفقك و يتمملك بالخير و يسعدك بس لاتنسي الاستخارة :) ماخاب من استخار

ااااااااااااااااب

asalam alikom ana motazawija li sanatin min italy moslim o3aycha m3ah bikher hamdolilah mafi machakil wala hta haja walilahi alhamed obnisba lilawrak kolchi makhtalef ma3andi bach n3awnak llah m3ak akhti lah ikamal alik blkher yarabi oya3tik kol ma tmaniti

نصيحتي لكم ياخواتي الي تبي تتزوج سعودي او اي جنسيه مختلفة عن بلدها لازم تتاكد من كل شي عنه ومن اهله وحتى لوتقدر تطلب منه احد من اهله يجي عشان يخطبها امه او وحده من اخواته زي عندنا في السعوديه لازم الاهل يجوا ولا اهل البنت مايقبولوا والله يوفقكم لما يحبه ويرضاه

الحمدلله أنا مغربيه ومتزوجه سعودي وعايشه هانيه لا مشاكل ولا هم صحيح انه ماديا مشي لاباس عليه بالحق مستوره ولله الحمد وماناقصني حتى خير وكننزل للمغرب مرتين في السنه انا وياه ومره جاب لي امي عندي تونسني هنا في السعوديه جلست معايا شهر وشوي ..
واليوم اللي جا يخطبني فيه جا معاه أبوه واتصلت عليا أمه يعني أهله الحمدلله كانو موافقين عليا بمجرد ما شافو صورتي...
بخصوص الاوراق يا اختي انا تزوجته من سنتين ونص و يله جيت من 6 شهور حيت ما كانش عنده التصريح ..
وباش يطلع التصريح خصو الفلوس بزاف ((( طلبو له 200000 ألف درهم يعني عشرين مليون )) حيت سبق ومتزوج سعوديه لكنه منفصل عليها بدون طلاق..راسليني على الخاص للمزيد

السلام عليكم انا متزوجة من سعودي والحمد لله حياة سعيدة ولدت وليد دابا عامين وانا فالسعودية وجات عندي ماما واختي وفالربيع انزل للمغرب اما بالنسبة للاوراق انا تبهدلت شوية وقفات معايا غير واحد المرا ة فالمحكمة لازم يجيب التصريح عشان تروحي معو السعودية ولازم الموافقة من السفارة السعودية فالرباط وانشا الله الله يتمم عليك

السلام عليكم ورحمة الله وبركاته.
الله المستعان,ربي يوفق الجمييييع لما يحبه و يرضاه

سلام أنا مخطوبة لسعودي ولم يحصل على تصريح وبغينا نديرو عقد زواج ممكن أعرف كيفاش

السلام عليكم كاينة هنا شي مغربية مقيمة بالمملكة العربية السعودية

فدوى الحب;7886436:
الحمدلله أنا مغربيه ومتزوجه سعودي وعايشه هانيه لا مشاكل ولا هم صحيح انه ماديا مشي لاباس عليه بالحق مستوره ولله الحمد وماناقصني حتى خير وكننزل للمغرب مرتين في السنه انا وياه ومره جاب لي امي عندي تونسني هنا في السعوديه جلست معايا شهر وشوي ..
واليوم اللي جا يخطبني فيه جا معاه أبوه واتصلت عليا أمه يعني أهله الحمدلله كانو موافقين عليا بمجرد ما شافو صورتي...
بخصوص الاوراق يا اختي انا تزوجته من سنتين ونص و يله جيت من 6 شهور حيت ما كانش عنده التصريح ..
وباش يطلع التصريح خصو الفلوس بزاف ((( طلبو له 200000 ألف درهم يعني عشرين مليون )) حيت سبق ومتزوج سعوديه لكنه منفصل عليها بدون طلاق..راسليني على الخاص للمزيد

مرحبا بيك ممكن نتعرفو حتى انا مغتربة بالسعودية

مرحبا بكاع البنات المغربيات اللي عايشات فالسعودية